Description
Product Description
Id-dawl vjola li kien jara f’villa antika barra mit-tieqa tal-kamra tiegħu ma baqax jarah iżjed. Gabriel ma kienx baqa’ ċkejken, mitluf fl-immaġinazzjoni tiegħu. Issa kien mitluf biss fuq il-pjanu u fuq Francesca, it-tfajla tiegħu. Imma meta darba kien għaddej minn quddiem id-dar il-vjola, kif kien iħobb jirreferi għaliha, lemaħ tfajla liebsa l-iswed. Minnufih, id-dar vjola bdiet iġġib magħha memorji u kapitli miftuħa tal-passat li sfortunatament komplew isaħħu d-dubji u l-ossessjonijiet tiegħu. Imma d-dar il-vjola ma tirriflettix biss l-istorja ta’ Gabriel imma wkoll ta’ Sr Bekka. Il-kulur vjola ma kienx biss l-unika ħaġa komuni li kien hemm bejniethom. Fid-dar il-vjola kienu jgħixu wkoll l-aħwa Dylan u Danielle, żewġ protagonisti fil-vjaġġ trasformattiv ta’ Gabriel.
In-noti fuq il-pjanu ma kinux biss noti mużikali imma talba – talba ta’ fejqan mill-ossessjonijiet tiegħu u mill-qawwa li ħakmitu. Kienet talba għall-kuntentizza ta’ veru. Talba iebsa imma sabiħa.